Aaj main Aleena Ejaz say Aleena Shahmeer bun gae thee. Shahmeer meray professor kay eklotay betay thay. Meray susar kay mutaabiq Shahmeer bohat chotay thay tu un ke maa foat hu gae thee. Jub mujhay hujla-e-aroosi main pohanchaya geya tu Shahmeer kay anay say pehlay meray susar aey thay. Unhu nay mujhay kaha thaa kay Shahmeer shaed shoro main mujh say mohabbat na kerain leaqin mujhay unhay itne mohabbat dene hu ge kay woh khud ba khud mujh say mohabbat kernay lagay. Shahmeer professor nahi thay bulkay apna business kertay thay ju 4 mukhtalif mulko main phaela howa thaa.
Shahmeer aey tu mere goad main 2 kungun rekh ker ajnabi say lehjay main bolay “ yeh aap ka ronumae ka tuhfa hai! “. Main nay kaha jub laey hain tu pehna be dejay. Unhu nay sorry bola aur yeh kaeh ker chalay gay kay main change ker aao. Woh kharay honay lagay thay tu mujh say kehnay lagay kay mujhay aurar zaat say sakht nufrat hai. Mere maa mari nahi bulkay apnay kissi mashooq kay saath baag gae thee. Main nay aap kay saath shadi sirf dad kay majboor kernay per ke hai.
Mere munzil mera kamyaab career hai business man kay toor per na kay kissi aurat ke mohabbat. Dad ke grandfather bunay ke khwaahish thee tu main nay un kay majboor kernay pay yeh shadi ke hai.
Mujhay Shahmeer ke baatain sun ker kuch khaas herangi nahi howe thee kyoun kay mujhay sort-e-haal ka kuch kuch us waqt andaza hu gya thaa jub shadi say pehlay Shahmeer nay mujhay dekhnay taak ke khawahish nahi zaahir ke thee. Woh university main Sir ko be milnay aatay tu kissi larki ko nahi dekhtay thay. Es say pehlay kay Shahmeer kharay hotay main nay un ka baazo pakar leya.
Main nay kaha kay sub aurtay aik jasi nahi hote. Mere munzil aap hain. Mujhay umer bur aap ka wafadaar bun kay rehna. Zindagi bur kissi dosray murd ke tarf nazar uthaa ker be nahi dekho ge. Woh kehnay lagay mujhay en fazool bato ko sunay ka shoak nahi hai. Phir woh bed per laet gay aur mere aankhain beeg rahi thee baar baar aur dil khoon kay aanso ru reha thaa es armano bari raat ko youn guzartay dekh ker.
Phir main be Shahmeer kay pehlu main late gae leaqin un ka masoor chehra apni baaho main bur leya aur kaha kay aik din aap khud es sir ko mere baaho main rakhay gay. Waqt guzarta reha aur main Shahmeer kay rokhay rawaeyay kay baawajood un ka aur dad ka khayal rakhti thee. Phir shadi kay 10 maah baad aik bohat he khoobsorat raat aaye jub mujhay mere munzil mil gae. Us raat main nay Shahmeer kay humshakal betay ko janam deya. Shahmeer ussay dekhnay bedroom aey tu meray kaan main “ I love you! “ bolay. Aaj mujhay mere munzil mil gae thee!!
Oay hoay hoay! Dil dharakay kay tum say kasay kahu tumhay kehti hai mere nazar shukriya! Meray cell phone ke makhsoos ringtone yeh khobsorat gana unchi awaz say kub say gaa rahi thee. Main bedroom say baahir chaey lenay gya thaa es liyay foran ringtone nahi sun paya thaa.
Itne daer say main call ker re hu kay aap ko koe khayal he nahi aur call attend he nahi ker rehay aap!
Bus abhi chaeyay lenay gya thaa kitchen say tu tumhari call aaa gae.
Tumhi ko chaha thaa tumhi miltay tu acha thaa! Acha khaer chorain yeh batain aaj ka din kasa guzar reha?
Pehlay to bohat boring guzar reha thaa per aab janab ke call aaa gae hai tu aab acha he guzray ga.
Aur mera din acha bala guzar reha thaa leaqin aap ke bondi awaz sun le hai tu aab bura guzray ga. Khair main nay khud he dosti main pehal ke thee tu aap ke awaz suna he peray ge aab.
Main aik din faarigh baetha thaa kay mujhay aik wrong call aaa gae. Tub say hum dono ke mobile friendship hu gae thee. Meray dil main khawahish thee kay yeh mobile friendship shaadi main tabdeel hu jaey leaqin Mazoona jub kae baar mere bezati ker dete thee kay main tu aap say baat nahi kerna chaahti leaqin phir be ker he lete hu tu chup hu jata.
Mazoona nay pehli dafa jub Shoaib ko wrong call ke thee tu pasand aaa gya. Phir woh rozana ussay call kernay lagi. Phir najanay kub us say mohabbat ker bethe leaqin mohabbat ka ezhaar na ker pati. Phir us nay aksar aik shair ka misra Shoaib ko kehna shoro ker deya “Tumhi ko chaaha thaa tumhi miltay tu acha thaa!“. Shoaib nay jub kissi kisum ka raday-e-amal na zaahir keya tu woh samaj gae kay woh time pass kerta. Aik din shoaib nay Mazoona say poacha kay woh yeh misra kyoun bolti rehti hai to us nay kaha kay yeh us ka taqya qalaam hai. Mazoona nay soacha Shoain kehay ga leaqin yeh misra meray dil ke pukaar hai. Leaqin Shoaib nay jub Mazoona ke baat suni tu soacha kay agher woh us say shaadi kerna chaahti tu kehti kay apnay dil ke baat tumhay bataati hu.
Phir dono ke ghar walo nay shaadeya ker de leaqin unhu nay apnay honay walay humsafro ko dekha nahi thaa. Shaadi kay baad dono nay aik dosray ko call kerna choor de. Mazoona ko lagta kay us kay husband main kafi aadatay Shoaib wali hain. Udher Shoaib ka apni biwi kay baray khayaal thaa. Aik din Nabeel nay Maliha say poacha kay agher tumhari mujh say shaadi na hoti tu mujh say kya kehna chaahti, us ke biwi nay kaha “Tumhi ko chaaha thaa tumhi miltay tu acha thaa!“.
Nabeel nay bola kya tum Mazoona hu tu us ke biwi, Maliha " Shoaib " kaeh ker us kay galay lug gae!
Rozawa aur Faeyk ka nikkah bachpun main he hu gya thaa. Dono sheikhpura say kuch faslay main aik gao main rehtay thay. Dono nay ebtadae taleem apnay ghao haasil ke thee. Phir Faeyk Lahore pernay aaa gya aur Rozawa ko ghar batha leya gya. Rozawa ko pernay ka bohat shoak thaa leaqin usay shehar bejnay ko koe tayaar na thaa. Chaar saal youn he beet gay. Aab ghar walo ko fikar howe kay Rozawa ke rukhsati ker dene chahyay. Faeyk raazi nahi hota thaa leaqin ghar walo kay majboor kernay per Rozawa ko apnay saath lahore lay aaya.
Aab Rozawa ke zimdari thee kay woh Faeyk ke her zarorar poori kerti. Faeyk nay ussay pehlay din he bata deya thaa kay woh dono elaahda elaahda soya keray gay aur Rozawa es baat ka ghar walo say zikar nahi keray ge. Rozawa nay apni zuban see le thee aur kissi say koe shikwa nahi keya thaa. Tenhae main woh apni qismat per itnay aanso bahaati kay us kay dil-e-nadaan ko karaar aaa jata thoori daer kay liyay. Rozawa apnay say her mumkin koshish kerti thee Faeyk kay haqooq poray kernay ke. Es kay bawajood Faeyk koe na koe bahana dond kay Rozawa ko dant dupt deta thaa. Rozawa ka dil-e-nadaan phir be khush hota kay chalo danta he sahi! Mehboob bola tu sahi!
Aik din jub Rozawa Faeyk kay liyay chaey us kay bedroom lay kay ja re thee tu us kay haatho say chaey gir gae kyoun kay Faeyk kissi say mobile pay kaeh reha thaa “ Sweet jani! Thoora sa sabar ker lu phir main us pendo say hamesha kay liyay picha chura lu ga aur phir hum dono hamesha kay liyay aik dosray kay hu jaey gay. Mera dil-e-nadaan khud tumhay hamesha hamesha kay liyay panay kay liyay beqaraar hai. “
Aglay din woh sobo janay say pehlay Rozawa ko boal gya kay jub usay haqeqat ka pata chal he gya tu aab woh us say samjota keray. Woh janay say pehlay yeh be bata gya kay aaj shaam ko woh apni sweetie ko apnay saath ghar lay ker aey ga. Rozawa ka dil khoon kay aanso aur ankhain pani row rahi thee phir be us nay kafi dishes tayaar ke. Waapsi per Faeyk kay saath us ke sweetie thee jis nay kapray aesay pehnay howay thay jasay pehnahi bulkay un main phansi hu. Jub woh janay lagi tu mobile Faeyk kay ghar he bhool gae.
Raat 12 bajay faek ke sweetie kay mobile per bell howe tu woh es say pehlay kuch bolta waha say awaz aaye “ Jaan-e-tamana! Aaa gae hu us paendo zameendar kay ghar say? Kub taak us say shaadi ker kay us ke dolat lay ker hamesha kay liyay apnay jani paas aao ge?”
Faeyk ko laga kay woh aasmaan say nichay gir pera achanak aur aaj us kay dil-e-nadaan ko pata chala kay koun us say sachi mohabbat kerti thee aur koun jaahil thee aur koun samajdaar.
Us ka naam pakeeza thaa. Naam sirf pakeeza thaa leaqin kartoot koe be pakeeza nahi thaa. Chothi jamaat main howe tu pehla ishq keya. Phir yeh silsala shoro hu gya. Aaj us kay saath dosti ke ja rahi thee tu kul khatam keya ja reha thaa taaluq. Aesay waqt beet gya aur woh dahum jamaat ke taalb-e-elm hu gae. Es saal ussay apni jamaat ka aik larka pasand aaa gya thaa. Woh larki tu bohat khoobsorat thee leaqin us kay mehboob budsorti main apni koe masaal nahi rakhta thaa.
Us kay larkay saath mohabbat ka aghaaz aik khut likh ker keya thaa Pakeeza nay. Phir yeh silsala chal para. Phir dono ke mobile pay baat honay lug gae. Saal khatam honay wala thaa kay aik din Pakeeza class main akele baethe thee tu us ka mehboob chala aaya. Jub pakeeza ka mehboob classroom say baahir nikla tu us kay aik dost nay ussay kaha kay tumhari shirt ke pocket main yeh kanta kiss larki ka laga howa. Yeh sun ker woh larka gabra gya. Phir bola kahi say nahi laga. Woh yeh mujhay nichay farsh per mila thaa tu pocket main daal leya tu baahir aaa gya. Soacha class main ja ker larkyoun say paoch lu ga kay kiss ka hai aur us ko day du ga. Haqeqat yeh thee kay jub woh Pakeeza kay galay laga thaa tu dono ko pata he nahi chala aur Pakeeza ka kanta Ehmar ke shirt ke pocket main phans gya.
Us din say Pakeeza ke berbadi ka aghaaz howa. Us kay baad Ehmar aur Pakeeza nay daswi kay papers day ker kissi kay ghar milnay ka program banaya. Waha dono gay tu pehlay galay milay aur phir kissing aur phir Pakeeza nay jaagti jawani ke pyaas buja le aur zameer sola deya. Hoos poori honay kay baad Ehmir nay Pakeeza ko choor deya. Pakeeza ko aik newa aashiq mil gya. Us kay saath car main baeth kay rang rulya mana rahi thee kay dono ka car accident hu gya. Us kay baad us larkay nay be Pakeeza ko Khuda Hafiz kaeh deya.
Phir Pakeeza ko Sheri naami kissi larkay say mohabbat hu gae thee. Sheri nay us say jali court marriage ker le aur us ka her jaga aana jana band ker diya. 6 maah khud khoob Pakeeza kay jism say nafs ke pyaas bojata reha aur aakhir main ussay bazar-e-husan bech kay chala gya.
Woh larki jis ka naam Pakeeza thaa wahi aab apnay jism say her raat aik mard say najeez taluqaat qaem kerwanay pay majboor hai. Us kay es anjaam ka zimaydaar us ke apni jaagti jawai soya zameer hai jis nay usay Ehmar say galay lagnay pay uksaya ya bayhooda cable kay scenes??? Maa baap ke khuli azadi ya mobile phone??? Najanay humari maashray main aese kitni Pakeeza hain jin ko nadaan umer ke mohabbatain bazar-e-husan ke zenat bana dete hain.A
Farhan ke aur mere love marriage thee. Meray ghar walay khulay dil damagh kay maalik thay aur unho nay Farhan ke aur mere shaadi pay koe aetaraaz nahi keya thaa. Jubkay Farhan kay waldaen aur behnu ko hum dono ke shaadi per sakht aetaraz thaa. Un kay ghar walo nay baadilnakhaasta hum dono ke shaadi tu ker de thee leaqin unhu nay mujhay kabih baho nahi qabool keya thaa.
Humari shaadi ko paanch saal honay ko thay leaqin Farhan ke mohabbat main koe kami nahi aaye thee. Khuda nay najanay kyun mujhay ulaad ke naemat say nahi nawaza thaa. Es kami nay be Farhan ke meray liyay mohabbat kum nahi ke thee. Yeh humari shaadi ke paanchwi serdiya thee. Her baar ke tarah es baar be raat ke sard shamo ko Farhan ke garm saansain mujhay raat ko garm kerti thee. Un kay baazo ka tang daera ju meray gird hota thaa woh mujhay abhi taak tahafuz ka ehsaas dilata thaa. Shaadi ke pehli raat ke tarah aaj be woh raat ko meray ganay balo pay he sir rakh ker sotay thay.
1 din un ke saalgirah thee. Main apni aadat kay mutaabiq un kay anay say pehlay taza dum honay chali gae. Aaj main nay un ka deya howa woh dress pehna thaa ju unhu nay mujhay thoori daer pehlay he tuhfay kay toor per deya thaa. Main taza dum hu re thee kay mujhay mere nand ke awaz aaye bhabhi! Bhaee bola ray hain! Jaldi baahir aaa jaey. Mujhay herat ka aik jatka laga kay hamesha Farhan khud bedroom aatay thay leaqin aaj behan ko kyun beja. Khair main baahir aaa gae apnay bedroom say tu saath he mujhay Farhan ke awaz aaye. Woh kaeh ray thay kay Mahnoor! Kundi kholo! Main aaya hu! Mujhay haerat howe k bedroom kiss nay lock keya. Es kay saath he Farhan ka maamuzaad humaray bed say utha aur kundi khool de. Us nay mujhay kaha Mahnoor! Tum tu naha chuki hu. Main ghar ja kay naha lu ga. Tum apni bedsheet change ker lena.
Main heraan thee kay yeh kya majra leaqin mujh pay qayamat toat peri jub Farhan nay mujhay kaha kay main nay soacha be nahi thaa kay tum mujh say bewafi ker sakti hu. Main nay unhay lakh kaha leaqin woh mere aik baat sunay ko tayaar nahi thay aur seconds main mujhay talaaq denay ka faesla ker leya. Khuda ke kerni kay ussi waqt mere bari nend ka beta bed kay nichay say nikla aur kaha kay maamu! Mahnoor anti tu washroom thee tu Saboor uncle aur main bed pay laet gay. Mere ball bed kay nichay gir gae thee tu main woh uthanay chal pera. Youn Khuda Khuda ker kay mera ghar totnay say bacha leaqin us kay baad hum dono nay ehlaahda ghar lay leya jaha sirf Farhan, main, humara 1 beta aur sachi mohabbat hai.
Main tum say nafrat kerta hu! Kosta hu main us waqt ko jub main nay tumhari badsorat shakal dekhay beghair shadi kay liyay hai ker de thee. Hahaha! Mummy! Kitna maza aata bhaee kay kaan bernay ka. Petya tu aap aur main khoob perha kay bejtay hain aur yaqeenan Faheem bhaee bhabhi say lartay be hu gay leaqin itne aahista awaz main lertay hain kay hum dono ko un kay bedroom kay derwazay pay kharay honay kay baawajood un kay lernay ke awaz nahi aati. Bedroom kay ander bilkul ult sceen hota thaa. Awaz baahir es liyay nahi aati thee kyoun kay Faheem Saleeha ko baaho main lay ker surgoeshya kum aur us ke bari bari aankhain zayadaeh choom reha hota thaa.
Tabasum beghum kay sirf do bachay thay, Faheem aur Nermeen. Un kay khawand ko foat howay paanch saal honay ko thay. Aaj kul Tabasum beghum ko aik aese bahu ke talaash thee jis ka taluq gharib geranay say hu aur woh bahu kay saath jasa merzi salook kerain koe pichay say poachnay na aey. Un kay khayal main un ke bahu waajbi see chakal ke honi chahyay thee taa kay un ka eklota beta kahi apni hoor pari bewi kay husan main khoo ker maa ko he na bhool jaey.
Un ke talaash khatam hu gae jub unhu nay aik shadi per Saleeha ko dekha aur pata chala kay us ka sirf aik bhae aur aik bhabhi hain pori dunya main aur bhabhi ko apni nend aik aankh nahi baati thee. Shakal tu wajbi see thee Saleeha ke leaqin us ke kali bari bari aankhain ajab see kashish us kay ander paeda kerti thee.
Suhaag raat ko Faheem nay pehli dafa Saleeha ko dekha thaa aur woh masoom se bari bari aankho wali larki usay pasand aaye thee leaqin chunkay dono kay maashi halat main zameen asmaan ka farq thaa es liyay woh nachahtay howay be Saleeha say itna gulmil nae pata thaa.
Shaadi kay kuch dinu baad he Faheem ko maa aur behan nay petya perhana shoro ker de thee leaqin bohat jald ussay ehsaas hu gya thaa kay maa aur behan jhoot bolti hain. Woh kamray say bahir hota tu maa aur behan khoob kaan berti jub kay kamray kay ander jata tu muskarati howe Saleeha us ka estaqbaal kerti leaqin us ke soji howe bari bari aakhain us kay ander ka dukh bayaan kerti thee. Aik din aakhar Saleeha ko us ke hamoshi ka sila mil gya aur aaj Faheem nay be us ke muskarahat kay jawab main moskarahat de thee aur phir usay apni baaho main lay leya thaa. Aaj us ke bari bari aankhain dopeher ko ronay ke waja say he nahi bulkay Faheem kay baytahasha chomnay ke waja say be soji howe thee.
aik dafa ke zikar hay,aik ghar main mian,bewi or un ke bachy raha kerty the.is ke alawa un ka borha nokar Bakshoo bhi raha karta tha.Bhkshoo mian Begam saiba ki shadi se pehly in ke mian ke pas tha.or ab tak barabar ki khidmat kar raha tha.bechara tankhoa kya leta tha.bas pan cigrate ka kharcha or khana kapra'dawa or sir par chat is ke liye bohot tha.ajeeb sa rawaya tha naraz hota to do char din ke liye apni khatri utha kar chala jata or phir wahin wapis aa jata tha.bachon ko school se le jana or soda salaf wagera b lana isi ke kam main shamil tha.
is daffa bhi bakshoo mian ne chale jane ki dahmki woh kuch kehna chahata tha par Begam sahiba ne aik na suni or kehne lagi ke mera damag na khao.agar yahan rehna hay to wse hi rehna pare ga jese main kahon gi.darwaza band hote dekh kar woh chup ho gai.or palastic ki salaion par oon ke phondon ko bona shoro kiya.itne main phir darwaze ke kholne ki awaz aai or Bakshoo mian kuch kehna chahata tha par Begam phir boli ke kya phir se dhamki do ge.jana hay to chale jao tum kya samajte ho main kaam nahi kar sakti ,sara din to main damag khapati hun ghar ke kamon main tum kya karte ho?
bakshoo mian wahan se chala gya.Begam us ko rokna chahati thi ke ab ye bechara ka jaye ga is umar main.Begam saiba dhak ki marez thi.muh bhar esi khansi aai ke woh bathroom ki taraf bhagin khansi kar thoka to balgam main khon ki surkh dhari chamki.woh ghabra gain or kehne lagi ke shahid zukam bigar gya hay.phir sochne lagi ke maijn itni chirchiri kune ho gai hun kehne lagi shahid bukhar ki waja se hay.
achanak mian andar aye to woh befikri dekha rehy thin.woh sakht lehje main bole ke Bakshoo mian ko phir nikalne ki kosish ki hay tum ne.woh to main aaj daftar nahi gya to main ne bakshoo mian ko main ne dekh liya or un ko wapis le aya.woh berokhi se boli ye jhagre to bar bar hi hun ge.
mian ne bakshoo mian ko kaha ke shaam ko ghar main mehman aa rehy hain bahir se samose let ana,kune ke ghar main to kuch dhang ka ban nahi sakta.Begam saiba boli wah meri bhi to koi izat hay,jese Bakshoo mian hi sare ghar ka kaam karte hain.sara din main damag khapati hun or naam bakshoo mian ke,woh mian ke pas bahir gain par mian skoter start kar ke daftar chaly gye.Begum aa kar rone lagi rone se jab dil ka man halka hoa to bemari ke bawajood kaam main lg gai sare kaam kiye or sath main dil hi dil main kurti rehin or roshan dan main lage chiria ke gonsale ko rehne diya kune us main chitia ke bachay the,jhar ponch kar rehi thi sath main khans b rehi thi or dil main soch b rehi thi ke mian ko mera bilkul kehyal nahi,jab main mar jaon gi tab meri kadar aye gi,phir sicha agar main mar gai to mere bachon ka kya ho ga.bachon ko maan hi sambhalti hay,aaj to woh guse main paise dena hi bhool gye.Begam ne almari kholi to us main kuch paise the.Bakshoo mian ko jaldi se ande lane ko kaha oor bache bhi school se wapis aa gye unho ne khana khaya or Pappo ne to nai sweter bhi pehn li Bakshoo mian samose bhi le aye.
jab sham ko mian aye to woh neend main pasene se naha chuki thi.uthna chaha par utha nahi ja raha tha.inhein sehan main mian ke rishte ki phoppi or un ki polio se langari bewa beti ki awazein sunai dene lagin.or phir prosan khala or un ke sohar ki jani pehchani awaze sonai dene lagin.han to ye hain humare kismat ke mahman jab larein gain to inhein ko faisale ke liye bolain gain.or woh un ke kalark dost bhi to aye gain han main han milane.
asal baat to yeh thi ke aapas main mian bewi ki bilkul nahi lagti thi Begam bemar hone ke bawajod mehmano main aa kar beth gain .phir mian bewi main nok jhok shoro ho gai.mehman jab chaye piyne lage to achanak kamre main chiria roshan dan se takrai.
ab mian bewi bhir jhagarne lage.mian bhi tane dete rehy or bewi bhi apni safai deti rehin.phoppi or dosre mehman bi mian ki tarafdari karte rehy.mian guse main bol rehy the.tumhare pas kya nehi hay?shokar nahi karti ho naye makan main bethi ho.tumhein khane ko nahi milta.pehne ko kaprah nahi?dawa alaj nahi hota?or kya pouchon batao na?Begam bolien ghar ke tane raat din sunti hun.jese ghar inho ne banwaya hay raat din khare ho kar.Aaray agar main na hoti to ye ghar banta .Apna bate kata jee mara,main ne to apne provident fund ka paisa bhi is main dal diya.chay tole sone ka set tha mere jehez ka woh bhi bach kar is main dal diya,apni das saal ki teaching chori shadi ke bad.
Akhar larai main shidat ati gai,mian bole main ticket le aya hun karachi ka tum do ek mahene apni behan ke ghar reh aao.Begam boli aap or bachay mian ne kaha ke woh chachi sambhal lein gi.Bewi boli ke main apna ghar kese ke hath kune chor kar jaon main nahi jaon gi mian sakt guse main the unho ne jhat se bewi ko kaha main tumhein talak deta hun.Talak.
woh ye sun kar maze par beth gain mian tas se mas nahi hoa.or prosan khala ne is ko zor laga kar maze par se uthaya or un ke sir par telr ki lal chadar dal di,bewi ne hath main pehni to un ke jahez ki thi utar kar maze par rakh di or sir se chadar bhi utar kar maze par rakh di.or dosre kamre main chali gai .Or darwaza band kar diya.ab ghar main khamoshi or surma ki shaam ka andhera utar raha tha.mian ne hath barha kar bejli ka bulb roshan kiya to chiria phar pharane lagi.mian ne bahir jane wala darwaza khol diya ke chira gunsale tak ka rasta kuth talash kar leti hay.goya isi tarhan bewi bhi ghar se rukhsat hoin
